ABŞ Prezidenti Donald Tramp Volodimir Zelenski hakimiyyətdə olduğu müddətdə Ukraynaya Amerika silahlarını verməyəcək.
Almaniyanın “Bild” nəşrində dərc edilən yazıda belə deyilir.
“Bild” yazır ki, ABŞ Prezidenti Zelenskiyə tərəfdaş kimi yox, maneə kimi baxır və onu vəzifəsindən getməyə məcbur etmək istəyir.
Politoloq Tomas Jaeger “Bild”-ə verdiyi şərhdə Tramp-ın 2020-ci ildə Co Baydenin oğlu Hunter Baydenə aid kompromat verməkdən imtina etdiyi üçün Zelenskidən qisas ala biləcəyini hesab edir.
Qeyd edək ki, Amerika və Ukrayna nümayəndə heyətləri arasında danışıqların martın 12-də Ciddədə (Səudiyyə Ərəbistanı) keçirilməsi planlaşdırılır. ABŞ nümayəndə heyətinə ABŞ Dövlət katibi Marko Rubio, Donald Trampın milli təhlükəsizlik üzrə müşaviri Mayk Uolz və Yaxın Şərq üzrə xüsusi elçi Stiv Vitkoff daxil olacaq.
Ukrayna tərəfdən danışıqlarda Zelenskinin ofisinin rəhbəri Andrey Yermak, Xarici İşlər Nazirliyinin rəhbəri Andrey Sibiqa, Müdafiə naziri Rustem Umerov və Yermakın müavini Pavlo Palisa iştirak edəcək. /azpolitika.info
