Cavab verilməli olan əsas sual, Çin Prezidenti Si Cinpinin ABŞ-nin Çinin düşmən xarici işğalçıdan AZADLIQ qazanmasına kömək etmək üçün verdiyi böyük dəstəyi və “qanı” qeyd edib-etməyəcəyidir.
Bunu sosial şəbəkədə ABŞ Prezidenti Donald Tramp İkinci Dünya Müharibəsinin başa çatmasının 80 illiyi münasibətilə Pekində keçirilən hərbi paradı şərh edərkən yazıb.
Tramp Çin liderinə ABŞ-nin İkinci Dünya Müharibəsində Çinə göstərdiyi həlledici dəstəyi unutmamağı tövsiyə edib. Eyni zamanda, Çin başçısının Rusiya və Şimali Koreya ilə birgə ABŞ-yə qarşı birləşməsinə eyham vurub: “Çoxlu amerikalılar Çinin qələbəsi və şöhrəti uğrunda mübarizədə həlak olublar. Ümid edirəm ki, onlar öz cəsarətləri və fədakarlıqları ilə haqlı olaraq şərəfləndiriləcək və xatırlanacaqlar! Qoy Prezident Si Cinpinin və gözəl Çin xalqının gözəl və əbədi bayram günü olsun. Siz Birləşmiş Ştatlara qarşı sui-qəsd hazırlayarkən Vladimir Putinə və Kim Çen Ina ən xoş arzularımı çatdırın”.
