İranın “Tasnim” xəbər agentliyi Yaxın Şərqdə İranın raket sistemlərinin əhatə dairəsində olan ABŞ hərbi obyektlərinin siyahısını ətraflı təsvir edən infoqrafika dərc edib.
Bu barədə “Tasnim” xəbər verib.
Müvafiq infoqrafikaya əsasən, ABŞ-nin regionun on ölkəsindəki hərbi bazaları potensial təhlükə altındadır ki, bunlar Bəhreyn, İordaniya, İraq, Qətər, Səudiyyə Ərəbistanı, Küveyt, Birləşmiş Ərəb Əmirlikləri (BƏƏ), Oman, Suriya və Türkiyədir.
Bir gün əvvəl məlum olub ki, bütün Yaxın Şərq üzrə bazalardakı ABŞ hərbi kontingentləri yüksək döyüş hazırlığı vəziyyətinə gətirilib. Müxtəlif mənbələrdən əldə edilən məlumata görə, bu qərar ABŞ-nin İsrailin hərbi əməliyyatına dəstək vermək qərarına gələcəyi təqdirdə, İranın mümkün raket zərbəsi ilə bağlı narahatlıqlar səbəbindən qəbul edilib.
“Bloomberg”in məlumatlı mənbələrə istinadən verdiyi məlumata görə, ABŞ-nin yüksəkrütbəli rəsmiləri hazırda İrana mümkün zərbə planlarını hazırlayırlar və bu, iyunun 21-22-də həyata keçirilə bilər. Lakin mənbələr qeyd edirlər ki, bu planlar vəziyyətin necə inkişaf etməsindən asılı olaraq yenidən nəzərdən keçirilə bilər./oxu.az
