Azərbaycan səhiyyəsi 33 yaşlı gənci belə “öldürdü” – Kardiologiya İnstitutuna İTTİHAM

Lakin reanimasiyada ağır xəstə süni tənəffüs apararına qoşulmayıb.

Xəstənin yaxını, jurnalist Turan Özan onun həyatını xilas etmək üçün xəstəxana axtarışına çıxsa da, nəticəsiz qalıb. O, xəstənin ölümündə səhiyyə sistemini günahlandırır.

“Bir neçə dəqiqə əvvəl Azərbaycan səhiyyəsi 33 yaşlı gənc oğlanı öldürdü . Bəli, o, qəsdən, etinasızlıqdan öldü.

Azərbaycanın o boyda Kardiologiya institunun reanimasiyasında traxeostomiya edib, süni tənəffüs aparatına qoşmaq üçün şəraitləri yoxdur. Baş həkimə deyirəm şəraitiniz bərbaddırsa transfer edək başqa yerə, üzümə baxır deyir “xəstəxanaları siz razı salın, biz göndərək”.

Turan Ozan saytımıza açıqlamasına görə, əsl həngamə bundan sonra başlayıb. O, xəstəni təxliyə etmək istəsə də buna nail ola bilməyib.

“Yeni klinikaya aparılması üçün müraciət etdik, şəxsən mən baş həkim Barat Yusubova zəng etdim , amma o, telefonuma geri dönüş etmədi. Daha sonra xəstəxananın mətbuat xidmətindən bildirdilər ki, yerimiz yoxdur. Təsəvvür edirsiz, Azərbaycanın bir nömrəli xəstəxanası, nəhəng Yeni klinikanın reanimasiyasında yer yoxdur. Hansı k,i Covid dönəmində , yüzlərlə xəstəni eyni anda qəbul etmək üçün yaradılmışdı. Ölkə rəhbərliyinin qarşısında bir dəfə məsuliyyət götürmüşdülər , birinci dəfə korrupsiya ilə batırdılar, indi də belə…

Daha sonra səhiyyə nazirliyinin tabeliyində olan Bakı Sağlamlıq Mərkəzinə üz tutduq, onlar da 5-10 min manat depozit istədilər, daha sonra Neftçilər xəstəxanası dedi yerimiz yoxdur . Bu ölkədə səhiyyənin hal hazırda gəldiyi durum budur . O cavan oğlan isə bir neçə dəqiqə əvvəl vəfat etdi . Bütün məsuliyyət və günah Azərbaycan Respublikası Səhiyyə Nazirliyi , TƏBİB , ET Kardiologiya İnstitutu Barat Yusubov – sizdədir. Mən ailəyə nə qədər kömək etməyə çalışsam da, imkanlarımdan və əlaqələrimdən bu dəfə istifadə edə bilmədim . Və buna görə özümü də günahkar hiss edirəm, bəs sizin vicdanınız sızladımı?”.