Xəbər verdiyimiz kimi, ABŞ administrasiyası Rusiyadan Ukraynanın suveren hərbi güc qurmaq hüququnu tanımağı tələb etməyə hazırlaşır. Bu addım Kiyev və Moskva arasında sülh danışıqlarında yeni mərhələyə keçid anlamı daşıya bilər.
Xatırladaq ki, “Bloomberg” agentliyinin məlumatına görə, ABŞ Prezidenti tərəfindən xüsusi elçi təyin olunan Stiv Uitkoffun qarşıda Rusiya Prezidenti Vladimir Putinlə görüşlərindən birində bu məsələni qaldıracağı gözlənilir. Mənbələr bildirir ki, bu tələb ABŞ-nin təklif etdiyi sülh razılaşmasının tərkib hissəsidir və Ukraynanın hərbi potensialını tanımağa yönəlib.
Məsələ ondadır ki, bu addım prezident Vladimir Putinin Ukraynanın demilitarizasiyası ilə bağlı irəli sürdüyü əsas hərbi məqsədlərdən biri ilə ziddiyyət təşkil edir. ABŞ və Avropa müttəfiqləri Ukraynanın tam təchiz olunmuş və müasir orduya sahib olmasını dəstəkləyirlər.
Bu təkliflər Donald Tramp administrasiyasının həm Moskvadan, həm də Kiyevdən güzəştlər tələb edən balanslı mövqedə olduğunu göstərir. Lakin tənqidçilər Trampın bu mövqeyini Rusiyanın maraqlarına yaxın hesab edirlər – xüsusilə də administrasiyanın Ukraynanın NATO-ya üzvlükdən imtina etməsi tələbini irəli sürməsi buna sübut kimi göstərilir.
Ukrayna Prezidenti Volodimir Zelenski isə mövcud sülh təşəbbüslərinə açıq olduğunu bildirib. 24 aprel tarixində Londonda ABŞ, Ukrayna və Avropa ölkələri nümayəndələrinin görüşündən sonra hazırlanan yeni sənəd artıq prezident Donald Trampa təqdim olunub.
Lakin Zelenski dəfələrlə vurğulayıb ki, heç bir sülh razılaşması Ukraynanın Konstitusiyasına zidd ola bilməz. Xüsusilə Krımın Rusiya ərazisi kimi tanınması müzakirə mövzusu deyil.
“Bu bizim torpağımızdır, xalqımıza məxsusdur”, – deyə o, qeyd edib.
Keçən həftə Parisdə keçirilən görüş zamanı Tramp administrasiyası tərəfindən təqdim olunan sülh planı Krımın Rusiya regionu kimi tanınmasını və işğal olunmuş digər ərazilərin Moskvanın nəzarətində qalmasını təklif edir.
RəsmiVaşinqtonbuplanındetalları ilə bağlı hələ açıqlamaverməyib.
ABŞ-ın təklif etdiyi bu yeni mərhələ, Ukrayna ilə Rusiya arasında dörd ildir davam edən müharibənin diplomatik yollarla başa çatdırılması üçün bir fürsət kimi qiymətləndirilə bilər.Bununla hər iki tərəfin konstitusiya və maraqlara zidd olmayan ortaq nöqtə tapması asan görünmür.Gələcək danışıqlarda kompromis imkanlarının hansı səviyyədə mümkün olacağı hələ də açıq qalır. /azpolitika.info
