“Gürcüstanla Azərbaycan arasında etimad, qarşılıqlı hörmət, bərabərlik və ölkələrin milli maraqlarının nəzərə alınmasına əsaslanan dostluq və sıx əməkdaşlıq modeli nümunəvidir”.
Bunu Gürcüstan Prezidenti Mixeil Kavelaşvili Azərbaycanın xarici işlər naziri Ceyhun Bayramovla keçirdiyi görüşdə deyib.
O, Gürcüstanın ərazi bütövlüyü və suverenliyinə göstərdiyi sarsılmaz dəstəyə görə Azərbaycan tərəfinə bir daha təşəkkür edib.
M.Kavelaşvili görüşdən sonra Azərbaycanın Gürcüstanın strateji tərəfdaşı olduğunu bildirib.
“Azərbaycanın xarici işlər naziri ilə çox məhsuldar görüşüm oldu. Biz iqtisadi baxımdan kifayət qədər maraqlı layihələr reallaşdırmağa hazırlaşırıq. Biz hər zaman qeyd edirik ki, Azərbaycanla münasibətlərimiz nümunəvidir. Əminəm ki, bu münasibətlər daha da möhkəmlənəcək və inkişaf edəcək”, – M.Kavelaşvili söyləyib.
Dövlət başçısının sözlərinə görə, Gürcüstan Cənubi Qafqazda uzunmüddətli, dayanıqlı sülh və sabitliyi dəstəkləyir və prosesə öz töhfəsini verməyə hazırdır.
