Dünən Bakı şəhəri Yasamal Bələdiyyəsində “Deportasiya Qurbanları Cəmiyyəti” İctimai Birliyi “Qərbi Azərbaycanın Səsi” mövzusunda tədbir keçirmişdir. Tədbirdə Azərbaycan Respublikasının Dövlət Himni səsləndirildi. Sonra isə torpaqlarımızın azadlığı uğrunda canlarını qurban vermiş şəhidlərimizin əziz xatirəsi bir dəqiqəlik sükutla yad edildi.
Tədbiri giriş sözü ilə “Departasiya Qurbanları Cəmiyyəti” İctimai Birliyinin sədri Köçəri Nağıyev açaraq Qərbi Azərbaycan həqiqətlərinin bütün dünyaya çatdırılması, indiki Ermənistan adlandırılan ərazilərdəki tarixi torpaqlarımızda yaşamaq hüququmuzun olduğunu, gənc nəslə mədəni irsimizi olduğu kimi çatdırılmasınının vacib olduğunu qeyd edib. Daha sonra Əli Vəliyev, Ruhiyyə Bayramova, İsmayıl Ağayev, Rauf Zeyni, Əli Orucov, Hicran Əliməmmədova, Gülnarə Vəlixanlı, Qızbəs Şirinova və başqaları öz çıxışlarında minillərlə Qərbi Azərbaycanda yaşamış soydaşlarımızın rus imperiyasının mənfur siyasəti nəticəsində ermənilərin əli ilə son iki yüz ildə soyqırıma uğramasından, orada mədəni, tarixi irsimizin məhv olmasından, yaddaşı min illərə söykənən tarixi abidələrimizin dağıdılmasından, qəbirstanlıqların yox edilməsindən, məscidlərimizin xarabaxanalığa çevrilməsindən, hətta milli mətbəximizin də öz adllarına çıxarılmasından danışıblar. Çıxış edənlər qeyd ediblər ki, cənab Prezidentimizin dediyi kimi biz Qərbi Azərbaycana öz minik maşınlarımızla gedəcəyik. Yenidən orada yaşamaq uğurunda mübarizə aparcağıq. 2020-ci ilin sentyabrına 27-ə kimi “Biz hamımız QARABAĞLIYIQ!” devizi ilə çıxış edirdiksə, indi də “Biz hamımız İRƏVANLIYIQ!” devizini gündəmə gətirməyin və bütün dünya TÜRKLƏRİNİN və tərəqqipərvər cəmiyyətin şüurunda yaşatmalıyıq. Çıxış edənlər o yurdlara hökmən qayıdacaqlarını xüsusi vurğulayaraq buna ürəkdən inandıqlarını bildirdilər.
Əli Vəliyev, Göyçə mahalı Ardanış kəndi
Məqaləyə dair fotomateriallar:
