2026-cı ilin gəlişinə sayılı günlər qalıb. Hər il dünya ölkələrinin böyük əksəriyyətində 1-2 yanvar Yeni il bayramı olaraq qeyd edilir. Bir çox ölkələrdə bu bayram fərqli və maraqlı adətlərlə keçirilir.
Yeni ili fərqli qarşılayan həmin ölkələrin siyahısını təqdim edirik:
İspaniya
İspaniyada hər il saat 00:00-ı göstərəndə 12 ədəd üzüm dənəsi yeyilir. Hər üzüm yeni ilin bir ayını simvolizə edir və uğur gətirdiyinə inanılır. Lakin mütləqdir ki, hər üzüm dənəsi yeyildikdə bir arzu tutulsun.
İtaliya
Bu ölkədə yeni ilin gəlişinə saatlar qaldıqda qadınlar qırmızı paltar geyinir. Adətə görə qırmızı rəngli geyim uğur və sevgi gətirir. Ölkənin bəzi bölgələrində köhnə əşyaları pəncərədən atmaq adəti də icra edilir.
Yaponiya
Yaponiyada yeni ilin gəlişi ilə əlaqədar olaraq, məbədlərdə 108 dəfə zəng çalınır. Bu, insanların pis hisslərdən təmizlənməsi mənasını daşıyır.
Yunanıstan
Yunanlar yeni il gecəsi yerə nar vurub partladırlar. Narın içindəki dənələr bolluğu təmsil edir. Yerə nə qədər çox nar dağılsa, il ailə üçün bir o qədər bərəkətli olacaq.
Çili
Bu ölkənin də yeni il üçün qəribə adəti var. Belə ki, bəzi şəhərlərdə insanlar yeni ili qəbiristanlıqda qarşılayır. Bu, vəfat etmiş yaxınları xatırlamaq və onların ruhlarının həmin şəxslər üçün uğur gətirəcəyinə inanıldığı üçün edilir.
Estoniya
Yeni il günü 7, 9 və ya 12 dəfə yemək yemək adəti var. Bunun güc və bolluq gətirdiyinə inanılır.
Meksika
Burada 31 dekabrdan 1 yanvara keçən gecə küçələrdə çox sayda insan görə bilərsiniz. Belə ki, gecəyarısı səyahət çamadanı ilə küçədə gəzmək səyahət arzusunu simvolizə edir.Onlar düşünür ki, bununla yeni ildə daha çox ölkəni gəzə biləcəklər.
Kolumbiya
31 dekabr axşamı kukla yandırılır. Kukla köhnə ilin pis xatirələrini simvolizə edir.
Şotlandiya
Şotlandlar yeni ilin qarşılanması ənənələri ilə diqqət çəkirlər. Saatlar yeni ilin ilk dəqiqələrini göstərdiyi zaman sevdikləri birinin evinə ilk daxil olmaq üçün demək olar ki yarışırlar. Bundan əlavə, daxil olduqları evə çörək, duz, pul və kömür kimi uğurlu sandıqları hədiyələr aparırlar.
İsveçrə
Bu ölkədə Yeni ilin ilk və son günlərində isveçrəlilər yaxşı və pis ruhları simvolizə edən geyimlər geyinirlər. Bu ənənə İsveçrə mədəniyyətinin fərqli bir xüsusiyyətidir.
Danimarka
Danimarkalılar yeni ili yaxınlarının qapısında boşqab və qab-qacaq sındıraraq qeyd edirlər. Sınıq boşqablar nə qədər çox olarsa, həmin insanın bir o qədər çox dostu olar və bəxti gətirər./bizim.media
