İsrail terrorçu dövlətdir.
Bu bəyanatla Türkiyə Prezidenti Rəcəb Tayyib Ərdoğan çıxış edib.
O həmçinin Suriyanın ərazi bütövlüyünün qorunmasının vacib olduğunu qeyd edib.
“İsrail bölgəni xaosa sürükləmək üçün əlindən gələni edir. 58 min fələstinli şəhid olub, 138 mindən çox bacı-qardaşımız yaralanıb. Bütün bunlar azmış kimi, İsrail quldurluq sahəsini qonşu Suriyaya qədər genişləndirdi. İsrail qanunsuz, itaətsiz, prinsipsiz, ərköyün və gözünü qan örtmüş terror dövlətidir. İndiki məqamda bölgə ilə bağlı əsas problem İsrailin təcavüzüdür. Bu vəhşilik, bu soyqırımı heç vaxt unudulmayacaq və vicdanlarımızda dərin izlər buraxacaq. Vəhşi dərhal dayandırılmasa, dünyanı alova atmaqdan çəkinməyəcək. Hər bir ssenariyə qarşı lazımi tədbirləri görürük. Suriyanın ərazi bütövlüyünü qorumaq bizim əsas siyasətimizdir. Biz dünən Suriyanın parçalanmasına razı olmadıq, sabah da razılaşmayacağıq. Suriyalı qardaş və bacılarımızla birlikdə buna imkan verməyəcəyik. İsrailin ipi ilə quyuya enənlər gec-tez səhvə yol verdiklərini anlayacaqlar. Suriyadakı kürdlər bizim bacı-qardaşlarımızdır və biz onların sionizm süfrəsində məzə (qəlyanaltı – red) olmasına icazə verməyəcəyik. Ən böyük arzumuz Suriya xalqının sülh içində yaşamasıdır. Sabit Suriya ətraf ölkələr üçün də sabitlik yaradacaq” – deyə, Ərdoğan qeyd edib.
Türkiyə Prezidenti Suriya hökuməti və xalqı ilə həmrəy olduğunu qeyd edib: “İnanıram ki, Şaraanın güclü rəhbərliyi ilə Suriya bu çətinliklərin öhdəsindən gələcək. Bu gün biz Şaraa ilə qan tökülməsini dayandırmaq üçün nə edə biləcəyimizi müzakirə etdik. Müvafiq qurumlarımız Suriya ilə əlaqə saxlayır. İsrail bir daha nümayiş etdirir ki, nə Qəzzada, nə də Suriyada sülh və sabitlik istəmir. Şəhid olan suriyalı qardaş və bacılarımıza Allahdan rəhmət diləyirəm. Suriyalı qardaş və bacılarımızı dəstəkləməyə davam edəcəyik. Biz min ildir ki, bu torpaqlarda yaşayırıq. Onun hər qarışı şəhidlərimizin mübarək qanı ilə örtülmüşdür. Buralara neçə-neçə zalımlar gədi. Özlərini toxunulmaz hesab edirdilər. İndi oların izi-tozu da qalayıb. Hamısının iştahı qursaqlarında qaldı. Biz heç kimlə düşmənçilik etmirik. Biz heç kimin haqqına və ya suverenliyinə tamah salmırıq. Biz yalnız regionumuzda sülh və sabitlik istəyirik”./teleqraf.com
