ABŞ Prezidenti Donald Tramp Rusiyaya qarşı kəskin xəbərdarlıq edib. Tramp deyib ki, son vaxtlar Rusiya təhdidi artırır və cavab olaraq ABŞ-nin hər kəsdən yaxşı nüvə silahına malik olduğunu göstərmək üçün həmin regiona nüvə sualtı qayığı göndərib:
“Mən Rusiyaya nüvə sualtıqayığı göndərmişəm – heç kəs onun harada olduğunu tapa bilməz. Bu, bizim ən ölümcül silahlarımızdan biridir. Rusiyaya yönələ bilər, ona görə də çox ehtiyatlı olmalıdırlar. Lazım olsa, hamıdan yaxşı nüvə silahımız var.”
Tramp bu açıqlamanı İsrail Baş naziri Netanyahu ilə görüşündən sonra və “Qəzza Barış Planı” barədə danışarkən verib.
Tramp bildirdi ki, Hamas-a planı qəbul etmələri üçün 3-4 gün vaxt verir; əks halda İsrail nə lazımdırsa edəcək.
Həmçinin Rusiya-Ukrayna münaqişəsinə toxunan Tramp deyib ki, Putin və Zelenskini danışıqlar masasına gətirmək lazımdır və o, bunun üçün çalışacaq./milli.az
