“Hərbi xronika” rubrikasında bu dəfə Türkiyənin yerli istehsalı olan “Altay” əsas döyüş tankının texniki xüsusiyyətləri, inkişaf mərhələsi və seriya istehsalına başlanması barədə məlumat verilib.
Bildirilib ki, Türkiyənin müdafiə sənayesi “Altay” tankının seriya istehsalına başlaması ilə mühüm mərhələni geridə qoyub. 120 millimetrlik “L55” topu, lazer yönəldicili raketlər və çoxqatlı müdafiə sistemləri ilə təchiz edilən tank NATO standartlarını üstələyən texniki imkanlara malikdir.
Qeyd olunub ki, ASELSAN şirkəti tərəfindən inteqrasiya edilən 13 yerli sistem “Altay”ı tam rəqəmsal döyüş platformasına çevirib. 1 500 at gücünə malik mühərrik, 4 metr dərinlikdə su maneəsini keçmə bacarığı tankın gücünü nümayiş etdirir.
Vurğulanıb ki, yerli istehsal olan BATU mühərriki ilə təchiz edilən yeni model Türkiyəni Cənubi Koreya və Almaniyadan texnoloji asılılıqdan tam azad edib.
Planlaşdırılır ki, 2028-ci ilə qədər hər il 30 ədəd “Altay” tankı orduya təhvil verilsin. Beləliklə, “Altay” Türkiyənin həm müdafiə gücünü, həm də hərbi ixrac potensialını yeni səviyyəyə daşıyır.
Daha ətraflı Baku TV-nin videomaterialında:
