İranın iqtisadi böhran səbəbindən başlayan ölkə miqyaslı etirazlar davam edir və getdikcə şiddətlənir.
Dekabrın sonundan başlayan nümayişlərdə təhlükəsizlik qüvvələri ilə etirazçılar arasında toqquşmalar nəticəsində hüquq müdafiəçilərinin məlumatına görə ən azı 45 nəfər həlak olub, minlərlə insan həbs edilib. Etirazlar Tehranın böyük bazarından başlayaraq bütün ölkəyə yayılıb, mağazalar bağlanıb, ümumi tətilə çağırışlar olunub.
Hökumət etirazçıları “xarici düşmənlərlə əməkdaşlıq”da ittiham edərək sərt tədbirlər görür: xəstəxanalara basqınlar, gözyaşardıcı qazdan istifadə və yanvarın 8-də ölkədə tam internet kəsintisi tətbiq edilib.
Beynəlxalq mətbuat (The Guardian, Al Jazeera, New York Times) qeyd edir ki, bu etirazlar 2022-ci il Mahsa Amini hərəkatından sonra ən böyük miqyaslı aksiyalardır və rejim üçün ciddi təhdid yaradır
Etirazlar iqtisadi çətinliklər – rialın kəskin ucuzlaşması, inflyasiya və sanksiyalar fonunda başlasa da, tezliklə siyasi xarakter alıb, rejim əleyhinə şüarlara çevrilib. ABŞ Prezidenti Donald Tramp etirazçılara dəstək verərək hökuməti xəbərdar edib, İsrail baş naziri Netanyahu isə İran xalqının “taleyini öz əlinə almasını” alqışlayıb. İran rəsmiləri mümkün xarici müdaxiləyə qarşı “qabaqlayıcı tədbirlər” vəd edib, lakin nüvə proqramı ilə bağlı gərginlik də artır – Tehran raket və hava müdafiəsi təlimləri keçirir. Ekspertlər 2026-cı ilin ilk aylarında yeni eskalasiya ehtimalını istisna etmirlər./azpolitika.info
