Novruz və Ramazan bayramları ilə əlaqədar mart ayında ölkədə ardıcıl 12 qeyri-iş günü olacaq.
Bu müddətdən faydalanan vətəndaşlar istər bölgələrə, istərsə də xarici ölkələrə səyahət etməyi planlaşdırırlar. Bayram günlərində, xüsusilə də uzunmüddətli tətillərdə hotel qiymətləri adi günlərlə müqayisədə xeyli artır.
Ekspertlərin sözlərinə görə, xariclə müqayisədə ölkədaxili istirahət daha ucuz başa gəldiyi üçün daxili turizmə maraq böyükdür.
“Şimal bölgəsində 4 ulduzlu hotellərin qiyməti 100-150, 5 ulduzlu hotellərin qiyməti 150-250 manat arasında dəyişir. Bura 2 nəfərlə qalmaq və səhər yeməyi daxildir. Şəki-Qax-Zaqatala bölgəsində 4 ulduzlu hotellər 80-130, 5 ulduzlu hotellər 130-200 manat arasında dəyişən qiymətlərlə təklif olunur. Lənkəran, Masallı, Astarada olan hotellərin qiyməti nisbətən münasibdir. 4 ulduzlu hotellər 80-120, 5 ulduzlu hotellər isə 100-150 manatdan başlayan qiymətlərlə təklif olunur”, – deyə turizm eksperti Rəhman Quliyev mövzu ilə bağlı Baku TV-yə açıqlamasında bildirib.
Ekspertlər onu da qeyd ediblər ki, turizm sahəsində qiymətlərin qalxması mövsümi xarakter daşıyır və tələbin çoxluğu ilə əlaqədardır.
Ətraflı süjetdə:
