17-20 oktyabr tarixlərində Türkiyənin Antaliya bölgəsində sayca 40-cı olan Uluslarası Türk dünyası Kultur və Sənət Festivalı keçirildi. Festivalı Kəmər bələdiyyəsi və Avrasiya Sənət, Kultur, Ədəbiyyat və Bilim Federasiyonu birgə təşkil etmişdirlər. Türkiyədən, Azərbaycandan, Özbəkistandan, Qırğızstandan, Qazaxstandan, Fransadan, İsvecrədən, Bolqarıstandan, Şimali Kipr Türk Cümhuriyyətindən, Cənubi Azərbaycandan, Danimarkadan, Estoniyadan, Doğu Türküstandan və bir çox başqa ölkələrdən gələn 100-dən çox qonaq festivalda iştirak edirdi. Əlbəttə ən böyük iştirakçı Türkiyədən sonra Azərbaycandan festivala qatılmışdır. Festival iştirakçıları müxtəlif sənət adamları idi: yazıçılar, alimlər, müəllimər, iş adamları, rəssamlar, hüquqşünaslar, vəkillər və s.
Festivalda ən maraqlı 18 oktyabr AZƏRBAYCAN gününün keçirilməsi oldu. Azərbaycanımızın müstəqilliyinin bərpasl günü xüsusi qeyd edildi. Tədbir türk dünyası şəhidlərinin xatirəsini bir dəqiqəlik sükut yad etməklə başladı. Sonra Türkiyə Cümhuriyyətinin və Azərbaycan Respublikasının Dövlət himnləri səsləndirildi. Çıxış edənlər ASKEF genel başqanı Savaş Unal, ASKEF-in Azərbaycan Başqanı və Orta Asiya təmsilçisi, yazıçı, AYB və AJB-nin üzvü Sona İsmayılova, Türkiyədən ASKEF-in Genel başqan yardımçısı, vəkil Nilgün Seçen, araşdırmaçı, hüquqşünas Vüqar Abduyev, professor Lütviyyə Əsgərzadə, professor Dilarə Nağıyeva, müəllimə Gülbəniz İsmayılzadə, Cənubi Azərbaycandan yazıçı, iş adamı Nehir Akpolat, iş adamı İltifaq Abbasov və digərləri çıxış edərək Azərbaycan xalqnın Prezident İlham Əliyevin ətrafında sıx birləşərək qazandığı qələbələrdən, uğurlardan danışdılar. Xalqımızın Türk dünyasında gördüyü işlərdən, Turana gedən yolda uğurlu addımlarından, dünyada böyük dövlətlərlə iri miqyaslı iqtisadi və siyasi lahiyələrdə xüsusi yeri olduğunu fəxrlə qeyd etdilər. Bütöv Azərbaycanın yaradılması Turana gedən yolda ən əsas məsələlərdən biri olduğunu, Azərbaycanımızın üçrəngli bayrağının Təbrizdə, İrəvanda, Dərbənddə, Borçalıda ucaldığı günə az qaldığını bildirdilər. Türkiyə, Azərbaycan, Qırğızıstan, Özbəkistan, Doğu Türküstandan gəlmiş musiqiçilər maraqlı sənət əsərləri ifa etdilər. Azərbaycan musiqisi sədaları altında azərbaycanlılarla birlikdə qonaqlar da rəqs edirdilər.
Yazarların kitablarının təqdimatı da keçirildi. Ən maraqlısı ASKEF Genel başqan yardımçısı Gönçə Aydəmirin Türk dilinə uyğunlaşdırdığı Güllü Məmmədovanın “Qan içində işıq” romanı, Sona İsmayılovanın 4 cildlik seçilmiş əsərləri və uyğur yazıçısı Nurala Göktürkün “Gökbayrağın göz yaşı” şerlər kitabı festival iştirakçıları tərəfindən hədiyyə kimi götürüldü.
19 oktyabrda isə Kəmər bələdiyyəsi ilə ASKEF-in Kəmər meydanında təşkil etdiyi möhtəşəm konsertdə Türkiyə, Azərbaycan, Kırğızstan, Özbəkistan, Uyğur və digər ölkələrin xalqlarınının sənət adamlarının çıxışı oldu. Meydana toplanan kəmərlilər və qonaqlar Azərbaycandan Samir Abdullayev, Türkiyədən Erdem Aydemir, Qırğızstandan Darika Adatovina Acar və başqalarının çıxışlarını alqışlılarla qarşıladılar. Azərbaycandan gəlmiş qonaqlar Kəmər bələdiyyəsinə Azərbaycanla bağlı xatirə hədiyyələri təqdim etdilər. Sona İsmayılovanın Qız qalasına aid hədiyyəsi, Əli Vəliyevin təqdim etdiyi T.Əmiraslanov və A.Əmiraslanovun “XIX əsr İrəvan Mətbəxi” və “Qərbi Azərbaycanın şirin inciləri” kitabları, Könül Vəliyevanın təqdim etdiyi Aşıq Ələsgərin seçilmiş əsərləri kitabı və s. kimi hədiyyələr Kəmər bələdiyyəsinin kitabxanasına təqdim edildi.
20 oktyabrda isə festival iştirakçıları yenidən Azərbaycan günləri çərşivəsində Zəngilan günlərini qeyd etdilər. Azərbaycan xalqının 44 günlük qələbəsini, Türkiyə Cümhuriyyətinin qardaş yardımını, Xankəndinin azad edilməsini, Zəngəzur dəhlisinin açılmasını vurğulayan iştirakçılar xalqımıza uğurlar arzuladılar.
Bütün festival boyu iştirakçılar öz kitablarını, gətirdikləri hədiyyələri bir birinə təqdim etdilər. Festivalda “Qum saatı” xəbərlər ajansı də iştirak edirdi. Onlar Azərbaycan təmsilçimiz Sona İsmayılovaya mikrofon hədiyyə edərək onu “Qum saatı” xəbərlər ajansının Azərbaycan üzrə müxbiri təyin etdilər.
Bu festival Turana gedən yolda Türk xalqlarının birliyini bir daha sübut etdi və xalqımızın bu birlikdə yüksək yerlərdən birini tutduğunu sübut etdi.
Əli Vəliyev
ASKEF-in Qərbi Azərbaycan təmsilçisi
Məqaləyə dair fotomateriallar:
