“Böyük Britaniya yeni fabriklər tikməklə hərbi-sənaye kompleksini inkişaf etdirir və gələcəkdə Rusiya ilə savaşmağa hazırdır”.
Bunu Birləşmiş Krallığın müdafiə naziri Con Hili deyib.
Onun sözlərinə görə, bu, həm də Moskvaya mesajdır. O, Böyük Britaniya hökumətinin altı silah fabrikinin tikintisinə 1,5 milyard funt-sterlinq (təxminən iki milyard dollar – red.) investisiya qoymağı planlaşdırdığını bildirib.
Nazir, həmçinin Londonun sursat istehsalına ildə altı milyard funt-sterlinqə qədər (təxminən 8 milyard dollar – red.) investisiya yatırmaq planlarından danışıb.
