Kənd Təsərrüfatı nazirliyi hara baxır, görəsən… Nazirin bunlardan xəbəri varmı?” Bu ifadələr Kənd Təsərrüfatı Nazirliyinin nəzdində fəaliyyət göstərən “Azəraqrar Dövlət İstehsalat və Birliyi” MMC -nin direktoru Fəda Abbasovdan şikayətçi düşən narazı vətəndaşın müraciətində yer alıb.
Orucova Nazilə Müzəffər qızı nyazır: “Sahibkaram… məqsədim Dövlətimə vergi ödəyib, örüş torpaq sahəsi və fermasında qoyunlarımı saxlamaqdı. 2019-cu ildə Hörmətli Cənab Prezidentimiz biz Şəhid Ailələrini qəbul edəndə müraciətimi sahibkar olaraq bildirmişdim və məni kecmiş KT nazirinin qohumu Musayev Elxan Mehralı oğlu Ağstafa rayonuna aid Ceyrancöl ərazisində dövlətə məxsus fermaya yerləşdirdi. Dəfələrlə Elxan müəllimdən müqavilə tələb etməyimə baxmayaraq Elxan məni təhqir edib, rədd cavabı verirdi. Və nəhayət ki 2021-çi il oktyabr ayının 6-da “Azəraqrar” Dövlət İstehsalat və Emal Birliyi Məhdud Məsuliyyətli Cəmiyyətinin direktoru Abbasov Fəda Əli oğlu mənimlə 8 nömrəli fermaya örüş sahəsi ilə birlikdə birgə fəaliyyət müqaviləsi bağladı və mən həmin fermada dövlət qoyunları ilə birlikdə qoyunlarımı saxlamağıma baxmayaraq vergi ödəməyimə mane olurdular.
Bunların – nazir müavini Sərvan Cəfərovun, Fəda Abbasovun, Elxan Musayevin vəzifəsi Ağstafa rayonunda qoyunçuluq atcılıq və baramacılıq sahəsinə nəzarət idi, amma bir müdətdən sonra Elxan vəzifəsindən azad olundu. Yerinə dövlət qoyunlarını otaran Abbasov Elman Qiyas oğlunun oğlu Abbasov Kamran Elman oğlu təyin olundu. Və “Azəraqrar”a məxsus olan torpaqlara 9 ədəd fermalar və qoyunlara Kamran və atası Elman nəzarətçi idi.
2023-cü ildə torpaqlarmızın alınması zamanı Ağdərədən qənimət olaraq inəklər və qoyunlar gətirmişdilər. Elman dedi ki, inəklər Bərdə rayonunda qalmış, qoyunları isə Ceyrançölünə gətirdilər. 8 nömrəli fermada qoyunların saglamlığını “Azəraqrar”ın Bakıdan gələn nümayəndələri yoxlayıb və birkalayıb, o biri qoyunlara qatıb Abbasov Kamrana təcil verdilər. 8 nömrəli fermada 4 min qoyun olub və onlardan mənə aid olanı 168 qoyun və 30 toğlu idi. Digərləri çobanlar Lalayev Yusif Göycə oğluna 100 qoyun, 20 keçi – Aşırov Elşən Elton oğluna 82 qoyun – İsmicahana isə 70 qoyun aid idi.
2023-cü ilin noyabr ayında qouyunları fermaya yerləşmədiyinə görə Elman, Gəray, Səkinə qoyunları satmağa başladı. Mən “Azəraqrar Dövlət İstehsalat və Birliyi” MMC -nin direktoru Fəda Abbasova bildirdim ki qoyunlar yerləşmir. Başqa fermalarda yerləşdirmək olar qoyunları… Satılmasın… Fəda müəllim mənə “sən o işlərə qarışma” dedi və qoyunları alan qonşu fermadan (Muraz, Elmanın qohumları Əzim, Əziz, Aqil, Nofəl) çobanlar aldı və 50 dənə də mən aldım birkalı qoyunlardan. Ancaq Sərvanla Fədanın qəbulunda olanda qoyunların dövlət tərəfindən satılmasını mənə demişdilər. Mən də inandım və orada olan satılan ölən kimin nə qədər qoyunları var siyahısını Lalayev Yusif Göycə oğlu yazırdı və mən təkrar qoyun-quzumu, toğlumu ölənləri cıxmaq şərti ilə sayıb və qeyd edərək, “Azəraqrar”ın cobanları Lalayev Yusif və Aşurov Elşənə verib yenidən Bakıya getdim. 08.12.2024-cü il saat gecə 11-in yarısında oğlum mənə zəng etdi ki Əliyeva Səkinə Qədir qızı mənə deməmiş Fəda məllim tapşırığı ilə qoyunlarımı 8 nömrəli fermadan (cobanların mənə dediyinə görə, Yusif Gəraya zəng edib bildirmiş ki mən Şəhid Ailəsinin qoyunlarını verə bilmərəm, Gəray da deyib ki o qoyunlar cıxmalıdı, sən qarışma) götürüblər. Mən Fəda müəllimə bildirdim, Fəda müəllim Sərvanla məni KT nazirliyində qəbul edəndə mən yadımda olan qanun pozuntularını danışdım. Mənə cavabları bu oldu ki, “sən o işlərə qarışma və sən Ceyrançöldə pulsuz qoyun saxlaya bilməzsən”, dedilər mən isə ancaq dövllətə vergi ödəyə bilərəm dedim, kiməsə pul verə bilmərəm dedim.
Və 05.12.2025-ci il tarixində mən qoyunlarımı 8 nömrəli fermaya apardım. Çobanımla birlikdə fermada ancaq Lalayev Yusif öz qoyunlarını, bir də dövlətin 360 qoyunu qalıb. Yoldaşı Pəri ilə hər ikisi qoymadılar qoyunlarımı dövət fermasında saxlamağa ki biz Səkinəyə və Gəraya 5 min pul vermişik, sən kimsən pulsuz mənimlə qoyun saxlayırsan və Səkinə gəlib mənim yenə də əşyalarımı cölə töküb ki, sən pulsuz burada qoyun saxlaya bilməzsən, bura mənə məxsusdur. Bununla da kifayətlənməyib məni təqqir edib, telefonumu əlimdən alıb qırdı…
Bütün bu faktları və əlavə dəlil-sübutları aidiyyatı üzrə dövlət qurumlarına, hüquq mühafizə orqanlarına təqdim etsəm də, mənim – şəhid ailəsi kimi hüuqlarım pozulmaqda davam edi və ölkə rəhbərliyindən kömək istəyirəm, hüquqlarımın bərpasını xahiş edirəm…”/DİA.AZ
